Ансамбль салістаў “Класік-Авангард”
у Літаратурным музеі Максіма Багдановіча з праграмай
“За крок да вясны”
27-га лютага, а 19-й гадзіне, у Літаратурным музеі Максіма Багдановіча адбудзецца чаргова сустрэча з музыкамі ансамбля салістаў “Класік-Авангард” пад кіраўніцтвам Людмілы Каліноўскай.
Высокі прафесіяналізм і далікатны падыход да сусветнай класікі, непасрэдны кантакт з аўдыторыяй і ўзнёсласць музейнай прасторы. Музыка, якая закранае самыя патаемныя струны. Што яшчэ трэба, каб развітацца з доўгай зімой і разам сустракаць вясну?
У выкананні салістаў ансамбля, лаўрэатаў шматлікіх міжнародных конкурсаў, прагучаць кампазіцыі наступных аўтараў:
- Г. Ф. Целеман. Канцэрт для двух альтаў соль мажор (Аляксей Карчэўскі і Канстанцін Дарашэнка)
- І. С. Бах. Прэлюдыя і фуга до дыез мінор (Андрэй Іваноў – фартэпіяна)
- Д. Шастаковіч. 5 п’ес для двух скрыпак і фартэпіяна (Юрый Каліноўскі і Алеся Носава, партыя фартэпіяна – Андрэй Іваноў)
- Э. Дзянісаў. Саната для кларнета сола (Кірыл Целяпнёў)
- С. Рахманінаў. Вакаліз для габоя і фартэпіяна (Яўгеній Бінкевіч – габой і Андрэй Іваноў – фартэпіяна)
- Дж. Расіні. Квартэт для флейты, кларнета, валторны і фагота (Вікторыя Янушкевіч – флейта, Кірыл Целяпнёў – кларнет, Раман Чырык – валторна, Максім Забара – фагот)
- І. С. Бах. Гумарэска з сюіты сі мінор (Вікторыя Янушкевіч – флейта)
Уваходны квіток – 10 рублёў (квіткі можна замовіць онлайн, а таксама набыць у касе музея).
Падрабязную інфармацыю можна атрымаць на музейных старонках у сацыяльных сетках і па тэлефонах: +375 29 850 73 27, 8 (017) 363 07 61.