Запрашаем на
літаратурна-музычную імпрэзу “Вежа міру”
20 кастрычніка а 19-й гадзіне ў Літаратурным музеі Максіма Багдановіча распачынаецца серыя мерапрыемстваў праекта “Вежа міру”.
Згодна казцы Максіма Багдановіча, толькі творцы з чыстым сэрцам і рукамі маглі пабудаваць такую вежу, бо сапраўдная творчасць гэта заўсёды пра любоў і святло. Але, каб адшукаць сваіх паэтаў, мастакоў, кампазітараў, мы павінны таксама прыкладаць намаганні і адкрывацца для новых ведаў.
Будуць гучаць вершы паэтаў, якія часам застаюцца па-за нашай увагай, Мікалая Арочкі, Анатоля Клышкі, Юркі Гаўрука, Юлія Таўбіна, Канстанцыі Буйло, Алеся Гаруна з невялікімі біяграфічнымі замалёўкі пра творцаў. А ўпрыгожаннем нашага вечара стане выступленне ансамбля салістаў “Класік-Авангард” пад кіраўніцтвам Людмілы Каліноўскай з праграмай “Золата восені”. Спадзяемся, ва ўсёй гэтай па-восеньску калейдаскапічнай палітры вы знойдзеце тыя фарбы, словы мелодыі, якія будуць сугучныя вашаму настрою.
Гэтым разам у выкананні салістаў ансамбля, лаўрэатаў міжнародных конкурсаў Юрыя Каліноўскага (скрыпка), Юліі Ражкоўскай (віяланчэль), Вікторыі Янушкевіч (флейта), Веранікі Кунічкінай (фартэпіяна), Кірыла Целяпнёва (кларнет), Алесі Носавай (скрыпка), Элы Івановай (скрыпка), Максіма Забары (фагот) будуць прадстаўлены творы Яўгена Глебава, Луі Балерона, Пятра Чайкоўскага, Астара П’яцолы, Франсіса Пуленка, Джэрома Керна, Зігфрыда Карг-Элерта, Аляксандра Цфасмана, Важы Азарашвілі, Франсуа Дэв’ена.
Дырыжор – Людміла Каліноўская.
Уваходны квіток – 10 рублёў.
Падрабязную інфармацыю можна атрымаць на музейных старонках у сацыяльных сетках і па тэлефонах: +375 29 850 73 27, +375 17 363 07 61.
Літаратурны музей Максіма Багдановіча.
Мінск, вул. М.Багдановіча, 7а.