Юбілей кнігі – магчымасць яшчэ раз прыцягнуць увагу да яе чытачоў, музейных супрацоўнікаў, мастакоў, музыкаў, даследчыкаў.
110-годдзе “Вянка” Максіма Багдановіча супрацоўнікі музея адзначаюць выставачным праектам «Вянок “Вянкоў”». Таксама рыхтуем публікацыі, прысвечаныя кожнаму асобніку, бо, як высвятляецца, за кожнай кнігай ёсць свае гісторыі і падарожжы.
Чарговы артыкул распавядае пра “Вянок” (Вільня, 1913 г.) , які захоўваецца ў Прэзідэнцкай бібліятэкі. У кнігі складаны лёс і шчаслівы фінал, а даследаванне надпісаў, пазнак, якія былі ў кнізе, дазволіла высветліць імя яе ўладальніка.
Хто быў уладальнікам “Вянка”, чытайце ў матэрыяле Ірыны Мышкавец, вядучага навуковага супрацоўніка Літаратурнага музея Максіма Багдановіча.